الخميس، 9 أبريل 2015
فى صمتى تسكن الحكايات
حكاية اخت ملية عليا كل حياتى
هى امى وابويا وحتى خلاتى
وحيدة ليا وديمن مريحة بالى
تعالجنى وتسهر عليا ساعات بالليالى
بتسئل عنى وبترتب ليا اولوياتى
بتتحمل منى اشياء تفوق حتى احتمالى
اختى لما بسمعها بتحكى ابتسم
ولما اشوفها بتشكى منى التزم
عندها زياد واحمد وشيراز حبايبى ودايم بقلبى حبهم
نور عيونى ورغم شقاوتهم والله بعزهم
اختى يا حنان مالى ارجاء الوجود
اختى يا طيبة قلب غير معهود
وبلسم يشفى وجع فى القلب معقود
وصفاء وبرائة طفلة بالنسبالى اخر العنقود
اختى الجميلة . لو بأيدى اكتب عنك شعر بلا حدود
وارسم على الجدران رسمة وردة جميلة توصفك
والونها بألوان من روعتها تسعدك
واكتب عليها زى اختى بس الحقيقة تبهرك
وادعى ربى من كل عين يحرسك
وبالسعادة وراحة البال وبالبيت الهادى ديمن يرزقك
بس ليا عندك رجاء ياريتك تعرفية
ما بدك تزعلى منى فى يوم عدى يمكن اذيتك فية
او خدت قرار رغم عنك شايف مصلحتك فية
لانك اختى والاخت لخوها فى حياتة اهم رسالة
ولو كانت الروح تهدى لهديتك روحى لكنها لــ ربك امانة
عارف انك قويــــة وفهمتى منـــى الرسالة
لانى اليــوم معك وبكرا ربــك اعلم بالمكانة
وطول منا جنبك هنشدلك اناشيد السعادة
هكون سندك وظهرك ويكفينى منك ولو بس ابتسامة
ودى كانت بس بداية الحكاية
حكاية اخت تركت فى اديها قلم وحبر كفاية
يمكن تكتب تشخبط تلخبط او تقفل الرواية
هى دى اختى اللى لا يمكن تتعوض
لا فى الماضى ولا الحاضر ولا الايام اللى جاية
...........
قيصر
Subscribe to:
تعليقات الرسالة (Atom)
1 التعليقات:
Xالله يرضى عليك و دمتم سندا لبعض و الله يحفظكم و يصونكم فنعم الاخوة هاته رعاكم الله و زاد من حبكم و سعيكم لسعادة بعضكم البعض ... اتمنى لكم كل الخير و لكم مني اصدق الدعاء و سلامي لكم جميعا...
إرسال تعليق
علق وقول اللى بقلبك . هنسمعك ونبلغ للناس حبك