الأربعاء، 16 مارس 2016

في نظرهم مجرد ورق


احنا في نظرهم شوية ورق
شهادة وبطاقة وكشف حساب
وقيد وسيرة وحلم ينكتب في كتاب
احنا في نظرهم شوية ورق
ورقة فيها الواسطة ترفعها
وورقة يتيمة لو طال  يقطعها
احنا في نظرهم شوية ورق
رقمك اسمك سنك سيرتك
وبكرا يقولك هات ليا ورقة فيها حلمك
احنا في نظرهم شوية ورق
وتكتر الاختام والورق هو الورق
وتزيد الامضاءات ويفضل برضو ورق
احنا في نظرهم شوية ورق
هتعاني طول حياتك بأسم الورق
وهتموت ويبق تاريخ موتك علي ورق
احنا في نظرهم شوية ورق

;;